Golfklúbbur Ísafjarðar hefur komið sér upp æfingaðstöðu við Sindragötu þar í bæ. Á fésbókarsíðu klúbbsins kemur fram að nýja aðstaðan muni hleypa miklu lífi í starf klúbbsins og bæta aðstöðu til kennslu og æfinga mikið. Nýr golfhermir hefur verið settur upp, Flightscope X1Elite, ásamt 9 holu púttsvæði með besta gervigrasi sem völ var á. Nánar má lesa um þessa framkvæmd hér.
