Heiðrún Anna Hlynsdóttir, GOS, og Sigurður Arnar Garðarsson, GKG, stóðu uppi sem sigurvegarar á B59 Hotel mótinu sem lauk á Garðavelli á Akranesi í gær. Þetta var fyrsta mót ársins á GSÍ mótaröðinni 2022 og var Golfklúbburinn Leynir á Akranesi var framkvæmdaraðili mótsins.
Keppt var í höggleik og mótið gildir til stiga á heimslista áhugakylfinga. Leiknar voru 54 holur eða þrír keppnishringir á þremur keppnisdögum. Keppendur voru alls 90, þar af 68 karlar og 22 konur.
Í karlaflokki sigraði Sigurður Arnar Garðarsson, GKG, en hann lék hringina þrjá á 9 höggum undir pari vallar samtals (67-72-68). Axel Bóasson, GK, varð annar á -6 samtals (67-71-72) og Ingi Þór Ólafson, GM, varð þriðji á 4 höggum undir pari vallar (74-69-69).
![Screen-Shot-2022-05-23-at-9.31.01-AM - Golfsamband Íslands](https://www.golf.is/wp-content/uploads/2022/05/Screen-Shot-2022-05-23-at-9.31.01-AM-1024x216.png)
![Screen-Shot-2022-05-23-at-9.32.12-AM - Golfsamband Íslands](https://www.golf.is/wp-content/uploads/2022/05/Screen-Shot-2022-05-23-at-9.32.12-AM-1024x222.png)
![Screen-Shot-2022-05-23-at-9.31.24-AM - Golfsamband Íslands](https://www.golf.is/wp-content/uploads/2022/05/Screen-Shot-2022-05-23-at-9.31.24-AM-1024x220.png)
Í kvennaflokki sigraði Heiðrún Anna Hlynsdóttir, GOS, en hún lék á +5 samtals (71-74-76). Kristín Sól Guðmundsdóttir, GM, varð önnur á +10 samtals (77-74-75) og Jóhanna Lea Lúðvíksdóttir, GR, varð þriðja á +11 (74-76-77).
![Screen-Shot-2022-05-23-at-9.36.49-AM - Golfsamband Íslands](https://www.golf.is/wp-content/uploads/2022/05/Screen-Shot-2022-05-23-at-9.36.49-AM-1024x217.png)
![Screen-Shot-2022-05-23-at-9.36.58-AM - Golfsamband Íslands](https://www.golf.is/wp-content/uploads/2022/05/Screen-Shot-2022-05-23-at-9.36.58-AM-1024x219.png)
![Screen-Shot-2022-05-23-at-9.37.07-AM-1 - Golfsamband Íslands](https://www.golf.is/wp-content/uploads/2022/05/Screen-Shot-2022-05-23-at-9.37.07-AM-1-1024x220.png)
Meðaldur keppenda var 23 ár í mótinu og komu keppendurnir frá níu klúbbum og sjö klúbbar voru með keppendur í karla – og kvennaflokki. Flestir keppendur komu frá Golfklúbbi Mosfellsbæjar eða 24 alls, og GM var með rétt tæplega helming keppenda í kvennaflokki eða 10 alls. GR var með 21 keppendur og GKG með 14.
![IMG_20220522_161258-1 - Golfsamband Íslands](https://www.golf.is/wp-content/uploads/2022/05/IMG_20220522_161258-1-1024x461.jpg)
![IMG_20220522_151846-1 - Golfsamband Íslands](https://www.golf.is/wp-content/uploads/2022/05/IMG_20220522_151846-1-1024x461.jpg)
Klúbbur | Karlar | Konur | Samtals |
NK | 5 | 5 | |
GL | 2 | 1 | 3 |
GK | 9 | 1 | 10 |
GS | 5 | 5 | |
GR | 15 | 6 | 21 |
GM | 14 | 10 | 24 |
GKG | 12 | 2 | 14 |
GOS | 4 | 1 | 5 |
GA | 2 | 1 | 3 |
Samtals | 68 | 22 | 90 |
Smelltu hér fyrir stöðu og úrslit:
Alls eru sex mót á dagskrá í sumar sem eru hluti af stigamótaröð GSÍ.
Golfsamband Íslands er framkvæmdaraðili á Íslandsmóta á stigamótaröð GSÍ.
Íslandsmótið í holukeppni fer fram í júní hjá Golfklúbbi Mosfellsbæjar, og Íslandsmótið í golfi fer fram á Vestmannaeyjavelli í byrjun ágúst.
Leirumótið hjá Golfklúbbi Suðurnesja fer fram í byrjun júní, Keilir verður með Hvaleyrarbikarinn í júlí og Korpubikarinn fer fram hjá Golfklúbbi Reykjavíkur í ágúst. Klúbbarnir sem halda þessi mót eru framkvæmdaraðilar en mótin telja á stigalista GSÍ.
![GSÍMÓTARÖÐIN.jpeg - Golfsamband Íslands](https://www.golf.is/wp-content/uploads/2022/04/GSÍMÓTARÖÐIN-1024x1024.png)