Gunnlaugur Árni Sveinsson heldur áfram að bæta stöðu sína á heimslista áhugakylfinga. Eftir sigur á Fallen Oak Invitational mótinu í síðustu viku tók íslenski landsliðskylfingurinn stökk upp listann, í níunda sætið. 

Mótið var gífurlega sterkt, en sex af tuttugu sterkustu skólum landsins mættu til leiks og voru margir af bestu áhugakylfingum heims á meðal keppenda. Erfiðleikastig mótsins var 820 af 1000 mögulegum og skilaði sigurinn því mörgum stigum á heimslista áhugakylfinga. Fyrir árangurinn hlaut Gunnlaugur 21.85 stig á heimslistanum, sem gerir sigurinn sterkasta sigur íslensks áhugakylfings frá upphafi. Til samanburðar fékk Gunnlaugur 14,9 stig á heimslista fyrir sinn fyrsta sigur í háskólagolfinu. 

Með árangrinum fór Gunnlaugur Árni upp í 9. sæti heimslistans, sem var uppfærður í dag. Hann hefur verið á miklu flugi upp listann síðastliðna 12 mánuði og hefur aldrei verið ofar. Ólíklegt er að landsliðskylfingurinn leiki í fleiri mótum á árinu.

Hér má sjá listann í heild sinni

Tímabilið fer frábærlega af stað hjá Gunnlaugi Árna sem hefur verið í efstu ellefu sætunum í öllum fjórum háskólamótum tímabilsins. Enginn íslenskur kylfingur hefur náð ofar á heimslistann, en besta árangur karla má sjá hér að neðan.

Besti árangur á heimslista áhugakylfinga karla