Gunnlaugur Árni Sveinsson hafnaði í 3. sæti á Puerto Rico Classic – en mótið er hluti af keppni í efstu deild NCAA háskólagolfsins í Bandaríkjunum.
Gunnlaugur Árni hóf nám síðasta haust í LSU háskólanum. Hann hefur náð frábærum árangri á tímabilinu og var fyrir vikuna í 13. sæti á meðal bestu kylfinga í efstu deild NCAA.
Íslenski landsliðskylfingurinn úr GKG lék frábært golf en hann lék hringina þrjá á 70-66-67 eða 13 höggum undir pari vallar. Gunnlaugur Árni lék afar stöðugt golf en hann fékk einungis einn skolla síðustu 52 holurnar í mótinu. Hann tryggði sér svo 3. sætið með því að fá fugl á þrjár síðustu holur mótsins.
Mótið fór fram á Grand Reserve golfvellinum í Puerto Rico og var mjög sterkt. Margir af bestu skólum Bandaríkjanna tóku þátt. Undanfarin ár hefur sigurvegari mótsins fengið boð á mót á PGA mótaröðinni sem er haldið í mars ár hvert á þessum sama velli.
LSU hafnaði í 4. sæti í liðakeppninni.
Smelltu hér fyrir lokastöðuna:
LSU háskólinn í Bandaríkjunum hefur á undanförnum árum verið á meðal bestu háskólaliða í golfi. LSU er í 8. sæti á þessu tímabili yfir besta árangur skóla. Gunnlaugur Árni er fyrsti íslenski kylfingurinn sem leikur með LSU háskólaliðinu í golfi en í haust mun Perla Sól Sigurbrandsdóttir hefja nám við sama skóla.
Client error: `GET https://graph.facebook.com/v10.0/instagram_oembed?url=https%3A%2F%2Fwww.instagram.com%2Fp%2FDF_JttNRovz%2F&access_token=vkMMEZiOiaOROnmR5hSZ37BjBHX7Nae/DyXvBlkqP+VG0I8CejYcCoLuQPuOP06zNtu91Ih8I11UsinN58NoEVJ3IaXpOYhIIMLYeY/k0z29/Q81DQbl+uDhGM0iLHd80rwa89e/jSRBYW0uGi+tJAJ14mrqck6yG5pEYAvlW/XwzMt82Ri2h6ytEEe66qKdkDhTVERXXQSg5IeeDa1xIVOnQgigVaP0EPoBs40JNebKcxJxxIcjm3UhZYihXSXzhHCYxc7Zc2wLRygaGxVesQuKyilE8I2kIIbF96yJhQDB6dhI3ktq3elYt0J9BNim4y0xlND4ZbEnWQ/WQr5e5oHilwbUVJFZI5dkAhdDVDZRCSFDeBdF/7ce4ZM9VxnkiaC9Sc2UfvKvdEAYntN9K1F0sQJKJLrGpo1mR4Bntf0+v0AvPvrJHw4gT0z2/LwsTXeA7kL19jvC52YM05lj059eOqCwDCydG4sqv54rVpA=` resulted in a `400 Bad Request` response: {"error":{"message":"Invalid OAuth access token – Cannot parse access token","type":"OAuthException","code":190,"fbtrace (truncated…)