Bjarki Pétursson, atvinnukylfingur úr GKG, er í toppbaráttunni á Gamle Fredrikstad Open mótinu sem er hluti af Nordic Golf League atvinnumótaröðinni. Annar keppnisdagur af alls þremur stendur nú yfir og er Bjarki í öðru sæti þegar þetta er skrifað.
Gamle Fredrikstad Open er hluti af Nordic Golf League atvinnumótaröðinni. – sem er í þriðja efsta styrkleikaflokki atvinnumótaraða í Evrópu í karlaflokki.
Smelltu hér fyrir rástíma, stöðu og úrslit frá mótinu í Noregi.
Bjarki, sem fagnaði Íslandsmeistaratitli árið 2020, lék fyrsta hringinn á 67 höggum eða 5 höggum undir pari vallar.
![Screenshot-2023-05-24-at-9.23.55-AM - Golfsamband Íslands](https://www.golf.is/wp-content/uploads/2023/05/Screenshot-2023-05-24-at-9.23.55-AM-1024x236.png)
Mótaröðin hefur reynst íslenskum kylfingum vel á undanförnum árum og opnað dyr inn á Áskorendamótaröðina (Challenge Tour). Fimm efstu á stigalistanum í lok keppnistímabilsins fá keppnisrétt á Challenge Tour og þrír sigrar á þessu tímabili tryggja einnig keppnisrétt á Challenge Tour.
![Screenshot-2023-05-24-at-9.49.08-AM - Golfsamband Íslands](https://www.golf.is/wp-content/uploads/2023/05/Screenshot-2023-05-24-at-9.49.08-AM-1024x415.png)
Á stigalistanum er Bjarki í 96. sæti en hann hefur leikið á alls sex mótum á tímabilinu.