Golfklúbbur Kópavogs og Garðabæjar, Golfklúbburinn Oddur og Golfklúbbur Reykjavíkur í samstarfi við GSÍ halda þrjú golfmót fyrir afrekskylfinga í sumar þar sem að keppendur geta safnað stigum á heimslista áhugakylfinga.

Fyrsta mótið hófst föstudaginn 17. maí á Leirdalsvelli hjá GKG. Leiknar voru 36 holur á fyrri keppnisdeginum og 18 holur voru leiknar á þeim síðari.

Úrslitin réðust því í dag og var mikil spenna í báðum flokkunum og þá sérstaklega í karlaflokknum.

Hulda Clara Gestsdóttir, GKG, sigraði í kvennaflokknum eftir nokkuð harða baráttu gegn Önnu Sólveigu Snorradóttur úr Keili.

Aron Snær Júlíusson, GKG, og Viktor Ingi Einarsson, GR, voru jafnir á -3 samtals eftir 54 holur. Þeir léku því bráðabana um sigurinn þar sem að Aron Snær hafði betur.

Dagbjartur Sigurbrandsson, GR, og Sigurður Bjarki Blumenstein, GR, voru jafnir í 3. sæti á +2 samtals.

Lokastaðan á Heimslistamótinu á Leirdalsvelli.

Karlar

Konur:

Tilgangur mótanna er að skapa frekari vettvang fyrir keppni afrekskylfinga á Íslandi og munu mótin gilda á heimslista áhugamanna (WAGR).

Hámarksfjöldi keppenda er 30 og leiknar eru 54 holur á 2-3 dögum.

Mótin er einungis ætluð áhugakylfingum og gilda sömu forgjafarmörk og í stigamótum GSÍ, þ.e. 5,5 hjá körlum og 8,5 hjá konum.

Mótin þrjú verða:

Heimslistamót GKG, 17. – 18. maí.
Heimslistamót GO, 23. – 24. ágúst.
Heimslistamót GR, 13. – 15. september.