Dagbjartur Sigurbrandsson, Aron Snær Júlíusson og Hlynur Bergsson hafa lokið keppni á öðru móti ársins á Nordic Golf League mótaröðinni á Spáni.
Dagbjartur lenti í 8. sæti í fyrra mótinu á Empordá golfsvæðinu og fylgdi því á eftir með því að lenda í 16. sæti í seinna mótinu í dag. Hann lék hringina þrjá á 69-69-71 höggum og var í heildina á sex höggum undir pari.
Aron Snær lék á 78 og 70 höggum og komst ekki í gegnum niðurskurðinn líkt og Hlynur sem lék á 78 og 75 höggum.
Nú færa strákarnir sig um set og munu taka þátt í þremur mótum á Infinitum golfsvæðinu í Tarragona. Þar bætast við þeir Daníel Ísak Steinarsson, Logi Sigurðsson, Ólafur Marel Árnason og Svanberg Addi Stefánsson Fyrsta mótið í seríunni hefst næsta mánudag.
