Evrópumót golfklúbba í karlaflokki hófst í dag. Mótið fer fram á Cabot Bordeaux golfvellinum í Frakklandi dagana 23.-25. október.
Golfklúbbur Reykjavíkur varð Íslandsmeistari golfklúbba 2025 eftir sigur gegn GKG og vann sér með því þátttökurétt í mótinu. Alls eru 23 golfklúbbar skráðir til leiks.
Þrír leikmenn eru í hverju liði. Keppt er í höggleik og telja tvö bestu skorin í hverri umferð, en leiknar verða 54 holur í mótinu.
Dagbjartur Sigurbrandsson, Jóhannes Guðmundsson og Sigurður Bjarki Blumenstein skipa lið GR. Einungis áhugakylfingar geta tekið þátt í mótinu.
Smelltu hér fyrir stöðu mótsins
Hægt er að fylgjast með gengi liðsins á Instagram síðu meistaraflokks GR
