Skráning er hafin í mót Unglingamótaraðarinnar, sem fer fram á Selsvelli á Flúðum dagana 29.-30. júlí. Skráningu lýkur föstudaginn 25. júlí kl. 23:59.
Golfklúbburinn Flúðir er framkvæmdaraðili mótsins.
Leikfyrirkomulag
Leikinn er höggleikur án forgjafar. Í flokki 15-18 ára eru 54 holur. Leiknar verða 36 holur á fyrri keppnisdegi, og 18 á þeim seinni. Keppt skal samkvæmt gildandi reglugerð um stigamót unglinga og móta- og keppendareglum GSÍ.
Að loknum 36 holum skal leikmönnum fækkað þannig að 70% leikmanna sem eru með besta skor í hvorum flokki halda áfram keppni. Séu tveir eða fleiri leikmenn á jafnir með hæsta skor þeirra sem halda áfram skulu þeir báðir/allir leika áfram.
Áætlaðir rástímar og rásröðun
Þriðjudagur 08:00 15-18 ára stúlkur, 15-18 ára drengir
Miðvikudagur 08:00 15-18 ára stúlkur, 15-18 ára drengir
Rástímar og ráshópar
Rástímar verða birtir á golf.is á laugardegi fyrir mót. Ræst verður út af 1. teig. Á fyrsta keppnisdegi er keppendum raðað af handahófi á rástíma en síðan verður raðað út eftir skori.
Þátttökuréttur
Hámarksforgjöf í flokkum 15-18 ára kk er 20
Hámarksforgjöf í flokkum 15-18 ára kvk er 20
Ef fjöldi skráðra fer yfir hámark í hverjum flokki miðast forgjöf kylfinga kl: 8:00 morguninn eftir að skráningafresti lýkur hverjir fá þátttökurétt.
Ef ekki næst hámarksfjöldi í einhverjum flokki verður mótstjórn heimilt að fjölga í öðrum.
Fjöldi þátttakenda í flokkum
15– 18 ára – Mest 78 keppendur
Skráning og þátttökugjald
Þátttakendur skulu skrá sig í mótið á www.golf.is fyrir kl. 23:59 föstudaginn fyrir mót. Engar undantekningar á skráningu í mótið verða leyfðar eftir að skráningu lýkur, þó svo laus sæti séu í mótið. Allar breytingar á skráningu í mótið ber að senda í tölvupósti á postur@gfgolf.is Athugið að kylfingur verður ekki afskráður úr mótinu eftir að rástímar hafa verið birtir.
15-18 ára – kr. 9.500,-
Æfingahringur
Einn æfingahringur er innifalinn í mótsgjaldi. Keppnisvöllurinn verður opinn til æfinga fyrir skráða keppendur í síðasta lagi einum degi fyrir mót. Vinsamlegast hafið samband við klúbbinn til að bóka rástíma. En athugið að greiða verður mótsgjaldið áður en æfingahringur er leikinn. Athugið almennar reglur um æfingahring.
Teigar
15-18 ára piltar – Teigar 52
15-18 ára stúlkur – Teigar 45
Kylfuberar
Kylfuberar eru ekki leyfðir.
Verðlaun
Veitt verða verðlaun fyrir 1. – 3. sæti í báðum flokkum. Ef keppendur eru jafnir í fyrsta sæti verður leikinn bráðabani en að öðru gilda móta- og keppendareglur GSÍ. Ef keppendur eru jafnir í öðrum sætum skiptast stig og verðlaun jafnt milli þeirra keppenda.
Einnig verða veitt verðlaun fyrir besta árangur í eftirfarandi flokkum:
Stúlkur 15-16 ára
Stúlkur 17-18 ára
Piltar 15-16 ára
Piltar 17-18 ára
Verðlaunaafhending
Verðlaunaafhending verður haldin að loknum leik hvers flokks fyrir sig á lokadegi mótsins.
Mótsstjórn
Unnsteinn Logi Eggertsson
Dómarar
Anna Sigurðardóttir – Sveinn Karlsson
