Ólafía Þórunn Kristinsdóttir, atvinnukylfingur úr GR, er úr leik á SKYIGOLF meistaramótinu dagana sem fer fram 7.-10. mars.
Mótið er hluti af Symetra atvinnumótaröðinni sem er næst sterkasta atvinnumótaröðin í Bandaríkjunum.
Ólafía lék fyrstu tvo hringina á 72 og 75 höggum eða +3 samtals. Niðurskurðurinn var við +2 og komst Ólafía Þórunn því ekki áfram.
Mótið er það fyrsta hjá Ólafíu Þórunni á mótaröðinni á þessu ári.
Ólafía er ekki með fullan keppnisrétt á LPGA mótaröðinni en með góðum árangri á Symetra mótaröðinni gæti Ólafía Þórunn tryggt sér keppnisrétt á LPGA á næsta tímabili. Tíu stigahæstu kylfingarnir á Symetra stigalistanum fá keppnisrétt á LPGA.
Nánar um Symetra mótaröðina hér.