Síðustu æfingabúðir íslensku golflandsliðanna fóru fram fyrr í mánuðinum á höfuðborgarsvæðinu, þar sem aðstæður voru með besta móti. Hópurinn æfði í nýrri og glæsilegri golfhermaaðstöðu Sweet Spot í Garðabæ, þar sem landsliðskylfingarnir höfðu aðgang að níu TrackMan golfhermum með nýjustu tækni. Á milli æfinga fengu kylfingarnir einnig tækifæri til að spreyta sig í pílu á staðnum, sem reyndist skemmtilegt uppbrot á deginum.

Einnig var æft í knattspyrnuhúsinu Fellinu í Mosfellsbæ sem og í aðstöðu Keilis í Hraunkoti í Hafnarfirði.

Helginni lauk með heimsókn hópsins á Golf Expo sýninguna í Laugardalshöll þar sem landsliðskylfingarnir nutu þess að fylgjast með frábærum fyrirlestri hjá Birgi Leifi Hafþórssyni. Fyrirlesturinn veitti leikmönnum hvatningu og innblástur fyrir komandi verkefni.

Í dag eru landsliðskylfingarnir staddir í Portúgal þar sem þeir taka þátt í Global Junior mótaröðinni, en þetta er þriðja keppnisferð hópsins á þessu ári.

Landsliðshópurinn er þannig skipaður: