Íslandsmót unglinga í höggleik 15-18 ára fer fram á Þorláksvelli hjá Golfklúbbi Þorlákshafnar dagana 15.-17. ágúst.
Opið er fyrir skráningu í mótið. Skráningu lýkur sunnudaginn 10. ágúst kl. 23:59.
Þátttakendur skulu skrá sig í mótið á fyrir kl. 23:59 á sunnudeginum 10. ágúst.
Mótsgjald er 8.500 kr. Þátttökugjöld skulu greidd við skráningu. Engar undantekningar á skráningu í mótið verða leyfðar eftir að skráningu lýkur, þó svo laus sæti séu í mótið.
Keppt skal í eftirtöldum flokkum:
Stúlknaflokkur 15-16 ára, hámarksforgjöf 20,0 – bláir teigar
Stúlknaflokkur 17-18 árs, hámarksforgjöf 15,0 – bláir teigar
Piltaflokkur 15-16 ára, hámarksforgjöf 20,0 – hvítir teigar
Piltaflokkur 17-18 ára, hámarksforgjöf 15,0 – hvítir teigar
Aldur miðast við almanaksár. Hámarksforgjöf miðast við forgjöf þátttakanda kl. 8:00
morguninn eftir að skráningarfresti lýkur.
Þátttökurétt í hverjum flokki hafa, í þessari röð:
1. Sextán efstu leikmenn á unglingastigalista GSÍ á yfirstandandi ári í viðkomandi
flokki, þegar skráningarfresti lýkur. Ef tveir eða fleiri leikmenn eru jafnir í 16. sæti
skulu þeir báðir/allir fá þátttökurétt.
2. Sex efstu leikmenn í viðkomandi flokki á stigalista GSÍ á yfirstandandi ári, þegar
skráningarfresti lýkur. Ef tveir eða fleiri leikmenn eru með jafn mörg stig í 6. sæti
skulu þeir báðir/allir fá þátttökurétt.
3. Aðrir leikmenn sem fjærst eru forgjafarmörkum í sínum flokki kl. 8:00 morguninn
eftir að skráningarfresti lýkur. Standi val á milli keppenda með forgjöf jafn langt frá
forgjafarmörkum skal hlutkesti ráða.
Hámarksfjöldi leikmanna í hverjum flokki er 36 leikmenn. Ef ekki fyllist í flokkinn en umframskráning er í öðrum flokkum fá þeir kylfingar sem næst eru forgjafarmörkum í sínum flokki þátttökurétt þar til hámarksfjölda er náð. Allir flokkar leika 54 holu höggleik án forgjafar. Að loknum 36 holum skal leikmunnum fækkað þannig að 70% leikmanna sem eru með besta skor í hverjum flokki halda áfram keppni. Séu tveir eða fleiri leikmenn á jafnir með hæsta skor þeirra sem halda áfram skulu þeir báðir/allir leika áfram.
Hámarksfjöldi leikmanna er 144.
Forfallist kylfingur eftir að rástímar 1. umferðar hafa verið gefnir út skal sá kylfingur á biðlista sem er með lægstu forgjöf í viðkomandi flokki fá þátttökurétt í ráshópi þess sem forfallaðist.
Rástímar
Ræst verður út af 1. teig með 10 mínútna millibili. Á fyrsta keppnisdegi er keppendum raðað af handahófi á rástíma en annan og þriðja dag verður raðað út eftir skori.
Athugið að kylfingur verður ekki afskráður úr mótinu eftir að rástímar hafa verið birtir.
Föstudagur: 15-16 ára piltar, 17-18 ára piltar, 15-16 ára stúlkur, 17-18 ára stúlkur.
Laugardagur: 15-16 ára stúlkur, 17-18 ára stúlkur, 17-18 ára piltar, 15-16 ára piltar.
Sunnudagur: 17-18 ára stúlkur, 15-16 ára stúlkur, 15-16 ára piltar, 17-18 ára piltar.
Æfingahringur
Einn æfingahringur án endurgjalds er heimilaður. Keppnisvöllurinn verður opinn til æfinga fyrir skráða keppendur 13. og 14. ágúst.
Vinsamlegast hafið samband við klúbbinn tímanlega til að bóka rástíma í æfingahringi á info@thorgolf.is. Athugið að greiða verður mótsgjaldið áður en æfingahringur er leikinn. Að auki eru æfingaboltar fyrir hring á keppnisdögum innifaldir í þátttökugjaldi. Athugið almennar reglur um æfingahring.
Verðlaun
Veitt verða verðlaun fyrir 1. – 3. sæti í öllum flokkum. Ef keppendur eru jafnir í fyrsta sæti þá verður leikinn bráðabani en að öðru gilda móta- og keppendareglur GSÍ. Ef keppendur eru jafnir í öðrum sætum skiptast stig og verðlaun jafnt á milli þeirra keppenda.
Verðlaunaafhending verður haldin strax að lokinni keppni í hverjum aldursflokki fyrir sig.
Annað
Leikmenn skulu skrá rafrænt skor.
Dómari: Sigurður Hallbjörnsson
Mótsstjórn: Ólafur B. Loftsson, Björn Ólafur Bragason, Ingvar Jónsson og Hallgrímur Þór Axelsson
Alla keppnisskilmála má finna í hlekk hér að ofan.
Birt með fyrirvara um breytingar
