Íslandsmót unglinga í höggleik 2025 í aldursflokknum 14 ára og yngri fer fram á Svarfhólsvelli á Selfossi dagana 15.-17. ágúst.

Opið er fyrir skráningu. Þátttakendur skulu skrá sig í mótið á fyrir kl. 23:59 á sunnudeginum 10. ágúst.

Smelltu hér til að skrá þig:

Mótsgjald er 8.500 kr. Þátttökugjöld skulu greidd við skráningu. Engar undantekningar á skráningu í mótið verða leyfðar eftir að skráningu lýkur, þó svo laus sæti séu í mótið. Keppt skal samkvæmt gildandi reglugerð um Íslandsmót í golfi í unglingaflokkum 14 ára og yngri ásamt móta- og keppendareglum GSÍ.

Keppt er í eftirtöldum flokkum:

• Stúlknaflokkur 12 ára og yngri, hámarksforgjöf 40,0 – 3×14 holu höggleikur án forgjafar
• Piltaflokkur 12 ára og yngri, hámarksforgjöf 40,0 – 3×14 holu höggleikur án forgjafar
• Stúlknaflokkur 13-14 ára, hámarksforgjöf 32,0 – 3×14 holu höggleikur án forgjafar
• Piltaflokkur 13-14 ára, hámarksforgjöf 32,0 – 3×14 holu höggleikur án forgjafar

Aldur miðast við almanaksár.

Þátttökurétt í hverjum flokki hafa leikmenn með lægstu forgjöf kl. 8:00 morguninn eftir að skráningarfresti lýkur. Standi val á milli keppenda með sömu forgjöf skal hlutkesti ráða.

Hámarksfjöldi leikmanna er 96, að hámarki 24 í hverjum flokki.

Ef ekki er full skráning í einhverjum flokkum skulu þeir leikmenn sem fjærst eru forgjafarmörkum í sínum flokki (þar sem er umframskráning) fá þátttökurétt. Miðað er við forgjöf leikmanna kl. 8:00 morguninn eftir að skráningarfresti lýkur. Standi val á milli leikmanna með sömu forgjöf skal hlutkesti ráða.

Forfallist kylfingur eftir að rástímar 1. umferðar hafa verið gefnir út skal sá kylfingur á biðlista sem er með lægstu forgjöf í viðkomandi flokki fá þátttökurétt í ráshópi þess sem forfallaðist.

 Á fyrsta keppnisdegi er keppendum raðað eftir forgjöf á rástíma en annan og þriðja dag verður raðað út eftir skori.

Allar breytingar á skráningu í mótið ber að senda tímanlega með tölvupósti á motanefnd@golf.is. Athugið að kylfingur verður ekki afskráður úr mótinu eftir að rástímar hafa verið birtir.

Einn æfingahringur án endurgjalds er heimilaður. 

Formlegir æfingadagar eru miðvikudaginn 13. ágúst og fimmtudaginn 14. ágúst. Vinsamlegast hafið samband við klúbbinn tímanlega til að bóka rástíma í æfingahringi á gosgolf@gosgolf.is.  Athugið að greiða verður mótsgjaldið áður en æfingahringur er leikinn.

Veitt verða verðlaun fyrir 1. – 3. sæti í öllum flokkum. Ef keppendur eru jafnir í fyrsta sæti þá verður leikinn bráðabani en að öðru gilda móta- og keppendareglur GSÍ. Ef keppendur eru jafnir í öðrum sætum skiptast stig og verðlaun jafnt á milli þeirra keppenda.

Verðlaunaafhending verður haldin strax að lokinni keppni í hverjum aldursflokki fyrir sig.

Dómari: Hlynur Geir Hjartarson, Leifur Viðarsson

Mótsstjórn: Hlynur Geir Hjartarson, Leifur Viðarsson, Heiðrún Anna Hlynsdóttir,  Magnús J Magnússon og Ólafur B. Loftsson

Birt með fyrirvara um breytingar.