Íslandsmót golfklúbba í aldursflokkum 16 ára og yngri fór fram á Strandarvelli á Hellu dagana 25.-27.júní.
Níu sveitir mættu til leiks í mótið.
Fyrsti hluti mótsins var 18 holu höggleikur. Úrslit hans voru notuð til að raða sveitunum niður í þrjá þriggja liða riðla. Sveit GKG lék best í höggleiknum, fjórum höggum betur en sveit GK, sem endaði í öðru.
Sveitir GA og NK mættust í úrslitum mótsins. Sveitirnar sigruðu báða sína leiki í riðlakeppninni 2-1. Golfklúbbur Akureyrar sigraði úrslitaleikinn og eru Íslandsmeistarar golfklúbba í aldursflokknum. Sveit Nesklúbbsins 1 hafnaði í öðru sæti og sveit GKG endaði í því þriðja.
Í sveit GA voru:
- Ágúst Már Þorvaldsson
- Arnar Freyr Viðarsson
- Egill Örn Jónsson
- Patrekur Máni Ævarsson
- Finnur Bessi Finnsson
- Liðsstjóri: Heiðar Davíð Bragason
