Guðrún Brá Björgvinsdóttir er á meðal keppenda á lokamóti LET Evrópumótaraðarinnar, en mótið heitir Andalucia Costa del Sol Open.
Keppni hefst fimmtudaginn 26. nóvember og eru leiknar 72 holur á fjórum keppnisdögum.
Guðrún Brá hefur leik kl. 11:50 að íslenskum tíma eða 12:50 að staðartíma á Spáni.
Guðrún Brá er í 125. sæti á styrkleikalista LET Evrópumótaröðinni og fór hún upp um rúmlega 20 sæti í síðustu viku.
Íslandsmeistari síðustu þriggja ára náði sínum besta árangri á LET Evrópumótaröðinni á síðara mótinu sem fram fór í Sádí-Arabíu. Þar endaði hún í 39. sæti.
Mótið fer fram á Real Club de Guadalmina vellinum sem er rétt við Gíbraltar og Malaga.
Það er að miklu að keppa fyrir kylfinga á lokamótinu. Heildarverðlaunafé mótsins er 600 þúsund Evrur eða rétt um 100 milljónir kr.