Smelltu á Rástímaskráning.

Neðst á síðunni sérðu þrjá möguleika Rástímar – Mínir Rástímar – Nálægir golfvellir.

“Rástímar” kemur sjálfgefið upp þegar þú smellir á Rástímaskráning. Hér getur valið þér uppáhalds velli sem verða þá alltaf í flýtivali eða fremst þegar þú ætlar að skrá þig í rástíma. TIl að velja velli á listann þarftu að fara á milli síðna með því að strjúka yfir skjáinn til vinstri og tilbaka til hægri. Eftir að þú hefur búið þér til uppáhaldslista þá smellir þú bara á nafn klúbbsins og þá opnast þeir vellir sem þú getur bókað þig á.

“Mínir Rástímar” hér sérðu alla rástíma sem þú átt bókaða og getur nýtt þér þá sem flýtileið til að staðfesta mætingu eða breyta bókun sé það leyft í skráningarreglum klúbbsins.

“Nálægir golfvellir” hér finnur appið hvaða vellir eru nálægir út frá staðsetningargögnum í símanum þínum.

Hér stutt hjálparmyndband hvernig rástímaskráning gengur fyrir sig.

Ítarlegri upplýsingar má sjá hér.

Ef þú átt bókaðan rástíma og vilt staðfesta að þú sért mætt/ur.

1. Smelltu á “RÁSTÍMASKRÁNING”
2. Veldu “Mínir rástímar” neðst
3. Smelltu á rástímann sem þú ætlar að staðfesta mætingu á
4. Smelltu á “Staðfesta mætingu”

Til upplýsinga:

Hver golfklúbbur fyrir sig ákveður hvenær í fyrsta og síðasta lagi þú mátt staðfesta mætingu. Gott er að kynna sér vel skráningarreglur þar sem þú átt skráðan rástíma.

Tökum dæmi: Golfklúbbur Furðuvíkur leyfir kylfingum að staðfesta rástíma 1 klukkutíma fyrir skráðan rástíma og í síðasta lagi 10 mínútur fyrir. Þá þýðir það að þeir kylfingar sem reyna staðfesta fyrir þann tíma fá ekki upp möguleikann á staðfestingu. Kylfingur sem reynir að staðfesta þegar innan við 10 mínútur eru í hann hverfur af rástíma og annar kylfingur getur skráð sig í rástímann. Þá þarf viðkomandi að hafa strax samband við starfsmann í afgreiðslu og tilkynna sig áður en einhver annar skráir sig á þeim 9 mínútum sem standa til boða.

Þeir sem ekki eru ekki með appið í símanum verða staðfesta mætingu hjá starfsmanni í afgreiðslu.

Vandamál:

Ef appið hegðar sér á einhvern hátt óeðlilega, eða upp koma villur við staðfestingu ertu vinsamlegast beðinn um að eyða appinu og ná í nýjustu útgáfuna í App Store/Play Store og reyna aftur.

Vinsamlegast tryggðu að síminn þinn sé uppfærður með nýjustu útgáfu af stýrikerfi.

Ef vandamálið er enn til staðar, hafðu þá samband við starfsmann í afgreiðslu sem mun hjálpa þér.

Hefur þú skráð þig á rástíma en sérð ekki fram á að nýta hann?

Afskráðu þig úr rástíma með að lágmarki 60 mín. fyrirvara svo aðrir geti nýtt sér rástímann.

Þú getur afskráð þig með einföldum hætti í GolfBox appinu í „Mínir rástímar“ eða á vef GolfBox.

Í appinu:

1. Veldu Rástímaskráning og “Mínir rástímar”.

2. Smelltu á rástíma > sem þú ætlar afskrá þig af.

3. Strjúktu yfir nafnið þitt á skjánum til vinstri og smelltu á “Eyða”.

4. Strjúktu niður skjáinn á “Mínir rástímar” og þá ætti rástíminn að hverfa.

! Varúð að ef þú strýkur yfir rástímann til vinstri (2) þá afskráir þú þig og alla sem þú skráðir. Strjúktu því bara til vinstri yfir nafn viðkomandi (3).

Á vef GolfBox:

1. Veldu Rástímabókun og “Rástímarnir mínir”

2. Finndu rástíma og smelltu á rauða X-ið fyrir aftan það nafn sem þú ætlar að afskrá af rástíma.

– Þú færð í “Skilboðum” staðfestingu og í tölvupósti ef þú leyfir GolfBox að senda þér tölvupóst.

! Varúð að ef þú smellir á “Eyða öllu” þá afskráir þú þig og alla þá sem þú skráðir með þér.

Ef þú ert meðlimur í fleiri en einum klúbbi þá ertu alltaf með einn skráðan heimaklúbb sem hefur yfirumsjón með forgjöf þinni. Þú getur séð hvaða klúbbur er skráður heimaklúbbur undir “Breyta prófílnum”

Hér fyrir neðan er kylfingur meðlimur í þremur golfklúbbum. Sem þýðir að ef hann ætlar að skrá sig í innanfélagsmót viðkomandi klúbbs eða skrá sig í rástíma sem meðlimur en ekki gestur þá verður hann að fara í “Breyta klúbbi >” efst á forsíðu sinni og velja svo fyrir neðan þann klúbb sem hann ætlar að nota til skráningar í mót eða rástíma. Hér í þessu tilfelli velur hann heimaklúbbinn sinn Golfklúbbinn Geysi.

Þá kemur kylfingurinn upp sem meðlimur í Geysi sjá efst á forsiðu. Ef hann hefði ekki breytt um klúbb þá hefði hann komið upp sem meðlimur úr Golfklúbbi Þorlákshafnar og myndi þá ekki njóta þeirra réttinda sem meðlimur í Geysi hefur í rástímaskráningu.

Athugið! Í GolfBox appinu er ekki hægt að breyta klúbbi.

Í GolfBox er hægt að búa til golfvini þ.e. kylfinga sem þú leikur oft golf með. Þessi virkni flýtir fyrir að skrá þá rástíma með þér eða finna rástíma þar sem þeir hafa skráð sig á. Helstu kostir:

Það er auðvelt að finna golfvini þegar þú vilt bæta þeim við í rástímann.
Möguleiki er að skrá sig í rástíma sem golfvinir eiga bókaðan svo lengi sem laust er í ráshópnum. Athugið ef ráshópurinn er fullur þá sérðu ekki rástímann.
Þegar þú hefur bókað rástíma þá getur þú auðveldlega sent golfvinum boð í að skrá sig í rástímann með þér.
Svona sendir þú golfvinabeiðni:

INNSKRÁNING

Skráðu þig inn á golf.is (athugið öll umsjón með golfvinum er í vefsíðunni en ekki appinu)

VELDU GOLFVINI

Til að bæta við Golfvinum veldu [Rástímabókun] í valmyndinni vinstra meginn. Smelltu svo á [Golfvinir] [1]

Hér hefur þú yfirlit yfir golfvini og getur bætt golfvinum við með því að leita að þeim og senda þeim vinabeiðni sem þeir þurfa að samþykkja. Smelltu á [Bæta við>] [2]

Síðan getur þú leitað að þeim kylfingi sem þú vilt gera að golfvini með því að nota þá leit sem boðið er upp á. Sláðu inn þær upplýsingar og þú veist um kylfinginn sem þú ert að leita að. Athugaðu að velja klúbbinn sem hann er meðlimur í. Hægt er að leita eftir kennitölu þar sem stendur aðildarnr. eða bara fornafni og/eða eftirnafni. Athugaðu of mikið af upplýsingum geta mögulega gert það að verkum að viðkomandi finnst ekki þar sem eitthvað er rangt slegið inn. Byrjaðu á klúbbnum og fornafni ef þú veist ekki kennitölu og smelltu svo á [Leita] [3].

Ef þú valdir óvart kylfings sem þú vilt ekki gera að golfvini geturðu eytt honum aftur með því að smella á rauða krossinn við hliðina á nafni [1].

Þegar þú ert viss um að þú hafir fundið þann kylfing sem þú vilt gera að golfvini smelltu þá á [Vista] [2]. Kylfingurinn sem þú bættir við á golfvinalistann þinn fær send skilaboð þar sem hann getur staðfest vinabeiðni eða hafnað henni. Ef kylfingur samþykkir þá verður þér bætt sjálfkrafa við golfvinalistann hans. Þar til beiðnin hefur verið samþykkt mun nafn kylfings vera í rauðu en breytins í svart við samþykkt. Þannig getur þú fylgst með stöðuni hverjir hafa samþykkt vinabeiðni þína.

ATHUGIÐ: Þegar þú ert að bæta við mörgum golfvinum í einu mundu að þú þarft að smella á VISTA áður en þú bætir næsta golfvini við.

Velja golfvini í rástímaskráningu á vefnum:

Í rástímaskráningu velur þú rástímann og nafn þitt kemur sjálfkrafa upp en þú þarf að haka í reiti undir Golfvinir [1]. Og þá færðu upp fellivalslista með öllum þínum golfvinum sem hægt er velja úr.

Velja golfvini í Appinu:

Smellir á Bæta við kylfing og velur svo “Uppáhalds” og þá sérðu alla golfvina og getur bætt þeim í rástímanbn [2].