Stúlknalandsliðið Íslands keppti á Evrópumótinu í golfi sem fram fer á Forsgården vellinum í Svíþjóð dagana 10.-14. júlí. Ísland endaði í 19. sæti eftir 2. keppnisdag. Ísland mætti Belgíu og Slóvakíu í holukeppninni þar sem keppt var um sæti nr. 17-19 og þar tapaði Ísland báðum leikjunum.
Þorbjörg Jóhanna Gunnarsdóttir var fyrirliði og ráðgjafi liðsins var Stefanía Kristín Valgeirsdóttir.
Á fyrstu tveimur keppnisdögunum var leikinn höggleikur þar sem að fimm bestu skorin telja. Átta efstu liðin komust í A-riðil og eiga möguleika á að vinna til verðlauna, liðin sem enda í sætum 9 eða neðar keppa í B riðli þar sem leikið er um sæti.
Ítalía fagnaði sigri á EM eftir sigur á Spánverjum í úrslitaleiknum og er þetta í annað sinn á s.l. þremur árum sem Ítalía vinnur EM í þessum aldursflokki. Svíar enduðu í þriðja sæti og Tékkar í því fjórða.
Ísland – Slóvakía
Jóhanna Lea Lúðvíksdóttir og Heiðrún Anna Hlynsdóttir töpuðu 4/2, Kinga Korpak tapaði 6/5, Amanda Guðrún Bjarnadóttir vann 2/1, Andrea Ýr Ásmundsdóttir tapaði 6/5 og Hulda Clara Gestsdóttir tapaði 2/1.
Ísland -Belgía
Heiðrún Anna Hlynsdóttir og Jóhanna Lea Lúðvíksdóttir töpuðu 3/1, Kinga Korpak tapaði 4/2, Andrea Ýr Ásmundsdóttir tapaði 1/0, Hulda Clara Gestsdóttir tapaði 6/4, Amanda Guðrún Bjarnadóttir 4/3.
Ísland tapaði 4/1 gegn Slóveníu.
Jóhanna Lea Lúðvíksdóttir og Heiðrún Anna Hlynsdóttir töpuðu 4/2, Kinga Korpak tapaði 6/4, Amanda Guðrún Bjarnadóttir vann sinn leik 2/1, Andrea Ýr Ásmundsdóttir tapaði 6/5 og Hulda Clara Gestsdóttir tapaði 2/1.
Amanda Guðrún Bjarnadóttir (GHD), 83-85
Andrea Ýr Ásmundsdóttir (GA), 84-80
Heiðrún Anna Hlynsdóttir (GOS), 86-78
Hulda Clara Gestsdóttir (GKG), 82-74
Jóhanna Lea Lúðvíksdóttir (GR), 85-84
Kinga Korpak (GS), 87-76
