Íslenska karlalandsliðiðe keppti við Tékkland um sæti 11.-12. á Evrópumóti landsliða sem fram fór í Þýskalandi. Ísland hafði betur, 3/2, og endaði því í 11. sæti.
Þessar þjóðir áttust einnig við í fyrra á EM um sömu sæti á mótinu og þar hafði Tékkland betur 3/2.
Finnar fögnuðu Evrópumeistaratitlinum í fyrsta sinn eftir sigur á Englendingum í úrslitaleiknum. Þess má geta að Finnar komu upp úr 2. deild í fyrra.
Aron Snær Júlíusson og Bjarki Pétursson unnu sinn leik 2/1, Gísli Sveinbergsson vann sinn leik 2/0., Björn Óskar Guðjónsson vann 3/2, Rúnar Arnórsson og Henning Darri Þórðarson gerðu jafntefli í sínum leikjum.
Ísland hafnaði í 13. sæti í höggleiknum eftir fyrstu tvo keppnisdagna og lék því í riðli um sæti 9.-16. Ísland náði frábærum úrslitum í 1. umferð í B-riðlinum með 3/2 sigri gegn Ítalíu en tapaði gegn Írum í næstu umferð 3 1/2 – 1 1/2.
Staðan í leikjum dagsins er uppfærð hér:
Í 2. umferð holukeppninnar tapaði Ísland gegn Írlandi 3 1/2 – 1 1/2.
Henning Darri Þórðarson og Björn Óskar Guðjónsson töpuðu 3/2, Rúnar Arnórsson tapaði 3/2, Aron Snær Júlíusson tapaði 3/2, Gísli Sveinbergsson sigraði 3/2 og Bjarki Pétursson gerði jafntefli í sínum leik.
Ísland náði frábærum úrslitum í 1. umferð í B-riðlinum með 3/2 sigri gegn Ítalíu.
Henning Darri Þórðarson og Björn Óskar Guðjónsson sigruðu 1/0 í sínum leik, Aron Snær Júlíusson vann sinn leik 1/0 og Gísli Sveinbergsson vann sinn leik 2/1. Rúnar Arnórsson tapaði naumlega 2/1 og Bjarki Pétursson tapaði einnig naumlega 2/0.
Á fyrstu tveimur keppnisdögunum var leikinn höggleikur þar sem að fimm bestu skorin töldu. Ísland endaði í 13. sæti .
Átta efstu liðin komust í A-riðil og eiga möguleika á að vinna til verðlauna, liðin sem enda í sætum 9 eða neðar keppa í B riðli þar sem leikið er um sæti.
Staðan er hér:
Aron Snær Júlíusson (GKG), 73-75
Bjarki Pétursson (GKB), 75-73
Björn Óskar Guðjónsson (GM), 72-77
Gísli Sveinbergsson (GK), 70-76
Henning Darri Þórðarson (GK), 75-74
Rúnar Arnórsson (GK), 70-72
Keppt er dagana 10.-14. júlí á Golf Club Bad Saarow vellinum rétt við Berlín í Þýskalandi. Arnór Ingi Finnbjörnsson er fyrirliði og Jussi Pitkänen verður ráðgjafi liðsins.
Spánn hefur titil að verja, England varð í öðru sæti og Ítalir í því þriðja á síðasta EM.
Staðan eftir 1. keppnisdag.
1. England (-11) 349 högg
2. Svíþjóð (-9) 351 högg
3.-4. Danmörk (-7) 353 högg
3.-4. Frakkland (-7) 353 högg
5. Finnland (-6) 354 högg
6. Holland (-4) 356 högg
7. Skotland (-3) 357 högg
8. Spánn (-2) 358 högg
9. Írland (-1) 359 högg
10.-11. Ísland (par) 360 högg
10.-11. Þýskaland (par) 360 högg
12.-13. Austurríki (+7) 367 högg
12.-13. Ítalía (+7) 367 högg
14. Tékkland (+8) 368 högg
15. Portúgal (+10) 370 högg
16. Serbía (+41) 401 högg