Heiða Guðnadóttir úr GM er efst fyrir lokahringinn í kvennaflokki á Símamótinu á Eimskipsmótaröðinni. Heiða lék á -2 í dag sem er frábær árangur en hún er einu höggi betri en Guðrún Brá Björgvinsdóttir úr GK sem hefur titil að verja á þessu móti.
Heiða og Guðrún eru með gott forskot á næstu keppendur en Helga Einarsdóttir úr GK er í þriðja sæti á +9.
Aðstæður á Hlíðavelli eru frábærar og veðrið hefur leikið við keppendur.
![- Golfsamband Íslands Guðrún Brá Björgvinsdóttir úr GK slær hér á 15. teig á Hlíðavelli í dag. Mynd/seth/golf.is](https://www.golf.is/wp-content/uploads/2020/04/IMG_2310-scaled.jpg)