Axel Bóasson er úr leik á atvinnumóti sem fram fer á Spáni þessa dagana. Axel, sem er með keppnisrétt á Nordic League atvinnumótaröðinni, lék á 82 og 83 höggum á PGA Catalunya vellinum á Spáni. Á þeim velli hefur lokaúrtökumótið fyrir Evrópumótaröðina farið fram undanfarin ár.
Þetta er þriðja mótið hjá Axel á þessu tímabili en næsta mót fer einnig fram á Spáni. Það hefst 18. mars og fer það einnig fram á PGA Catalunya golfsvæðinu.
Axel hefur leikið á þremur mótum á þessu tímabili. Hann hefur tvívegis ekki komist í gegnum niðurskurðinn en á einu móti endaði hann í 56. sæti.
