Veðurguðirnir voru ekki á bandi kylfinga á höfuðborgarsvæðinu í dag og var nokkuð um það að mótum væri frestað vegna veðurs og lélegrar þátttöku sem rekja má beint til veðursins. Á Hvaleyrarvelli voru aðstæður afar slæmar í morgun og var ákveðið að aflýsa fyrst hringnum á lokamóti unglinga á Arion banka mótaröðinni.

Það verður því aðeins leikinn einn hringur í mótinu og verða sömu rástímar á morgun og voru í dag. Veðurspáin er mun betri fyrir morgundaginn því og búist við litlum vindi og þurru veðri. Stigameistaratitlar eru að veði í öllum flokkum og því verður hart barist á Hvaleyrarvelli á morgun.

Heimild: kylfingur.is